
Кейинги пайтларда Саудия Арабистони ва бошқа араб давлатларида чоп этилган Қуръони карим китоблари ҳам юртимизга олиб келина бошланди. Айни чоғда улардаги Қуръони каримни тўғри ўқишни осонлаштиришга хизмат қиладиган баъзи белгиларнинг бизда бор бўлган «Оқ Қуръон»даги белгилардан бир қадар фарқ қилиши кўриниб қолди. Шунинг учун ушбу қўлланмани биз ҳозирда араб давлатларида чоп этилаётган Қуръони карим китобларига мослаб ўзгартирдик. Ёш ва улуғ ёшдаги Қуръони Карим илмини истовчилар араб давлатларида чоп этилган Қуръони Каримни ҳам бемалол ўқишлари учун қўшимча равишда араб тили фонетикаси ва тажвид қоидаларини ҳам мана шу рисолага киритишни лозим топдик. Чунки бу илмлардан хабардор бўлиш Қуръони Каримни фақат талаб даражасида ва чиройли ўқиш учун хизмат қилади.





