ИСЛОМ ДИНИ

Ислом дини – Аллоҳ таоло Муҳаммад алайҳиссалом орқали бутун инсониятга юборган диндир. Ислом тинчликка, покликка, инсонийликка, меҳр-мурувватга, ватанпарварликка, илм олишга чақирувчи диндир. У инсонни икки дунё саодатига етказади.

Қуйидагилар Ислом динининг рукнларидир:

1. Имон.

2. Ҳар куни беш маҳал намоз ўқиш.

3. Рамазон ойида ўттиз кун рўза тутиш.

4. Закот бериш.

Закот Исломда молиявий ибодатдир. Яъни бойлиги нисобга (муаййан миқдорга) етган мусулмоннинг йилда бир марта ҳақдорларга закот бериши фарз.

5. Ҳаж қилиш.

Бу амал моддий жиҳатдан қурби етадиган мусулмонларгагина фарздир.

Аллоҳ таоло айтади:

“Мен сизларга неъматимни тўкиc қилиб бердим ва сизлар учун Исломни дин қилиб танладим” (Моида сураси 3-оят)