Умархон Исақов (Умархон қори) 1901 йили Қўқон шаҳрида таваллуд топтан. Ўн тўрт ёшида Қуръони каримни тўла ёд олиб мураттаб қори бўлган. У аввал махалладаги масжидда, кейинчалик Мадрасаи Мир масжидида кўп йиллар хатми Қуръон ўтказиб, эл оғзига тушади. Умархон қори бўзчилик ҳунари орқасидан кун кечирган. У 1941 йилда урушга чақирилади. Икки йил фронтда жанг қилиб, 1943 йилда яраланади ва уйига қайтариб юборилади. Унинг овози баланд ва ёқимли эди.Шунинг учун одамлар
Мадрасаи Мир масжидида муаззинлик қилишни унга топширадилар.
Умарҳон қори қирқ йилга яқин (1947-1984) Мадрасаи Мир масжидида муаззинлик қилади ва умрининг охирги йилигача рамазон ойларида шу масжидда хатми Куръон ўтказади.
Умархон қори соғлиғи йўл бермагани туфайли шогирд чиқара олмаган. Лекин ўз фарзандларига дин ва диний илмлардан сабоқ берган. Унинг ўғли Абдулмажид Исақов айни кунда Қўқон шаҳар бош имом-хатибидир.
Умархон қори Исақов 1984 йил 23 июль куни оламдан утган.
Жанозасини Пиримқул Маматқулов ўқиган. Қўқондаги Катта қабристонга дафн этилган.
