Шайх ҳазратлари ёшликдан китоб ўқишга қаттиқ муҳаббат қўйган эдилар. Болалигимизда қўлимизга тушган ҳамма пулга китоб сотиб олардик. У киши ўзлари кутубхонадан олган китобларини ўкиб тугатиб, кейин у ердан мен олиб келган китобларни хам ўқирдилар. Улғайганлари сайин китобга бўлган муҳаббатлари ошса ошдики, асло камаймади. Чет элда ўқиган даврларида хам кўп китоб ўқиш билан ажралиб турардилар. Бировга берган совғалари хам, олган хадялари хам фақат китоб бўларди. Ҳатто қиммат бўлишига қарамай, божхонадан утказиш муаммоларидан чучимай чет элдан ҳам факат китоб олиб келардилар. Биргина мисол у кишининг китобни нақадар қадрлаганларини курсатади. Биродарларимиздан бири уч йил муқаддам Ҳазратдан омонатга бир китоб олган экан. Шайхнинг хотирларидан кўтарилиб кетган бўлса керак деган хаёлда яна китоб сўраб келибди. Шунда Шайх хазратлари «Уч йил олдин олган китобни кайтарсангиз, ўшанда яна китоб берилади», деган эканлар.
Шайх хазратларининг шунча кўп китоб ёзишларига сабаб, у кишининг китобга бўлган муҳаббатлари туфайли бўлса, не ажаб. Хар бир китоблари нашрдан чиққанида гуёки янги фарзанд кўргандек хурсанд булиб кетардилар. Китоб тақдимоти у киши учун байрамга айланиб кетар эди. Аллоҳнинг қазои қадари экан, бугун у зотнинг китоби тақдимотини… у кишисиз ўтказмокдамиз.
Мухаммад саллолоху алайхи вассаламга содиқ Мухаммад Содиқ китобидан
