Отажон, осмондан ёғилган недир?!
Замбарак ўқими ё оддий ёмғир?!
Самонинг ҳам сабри тўлдими, ота?!
Ё қиёмат қоим бўлдими, ота?!
Кўкдан ҳам ёғарми олов парчаси?!
Ёки очилдими дўзах дарчаси?!
Бўлса бу оддий бир момақалдироқ,
Недан ҳушим ҳайрон, вужудим титроқ?!
Tомчилаб тушганлар гар бўлса ёмғир,
Нега ҳар нарсани ёқар бирма-бир?!
Отажон, саф тортган аскарлар қани?!
Ё уларнинг кўзи йўқми кўргани?!
Отажон, қайларга кетди шоҳ, амир?!
Ёки Умар йўқми бу Ватанда бир?!
Икром Шариф





